កាលពីព្រឹកថ្ងៃទី២៣ ខែមករា ឆ្នាំ២០១៩ មន្ទីរទេសចរណ៍បានសហការជាមួយក្រសួងទេសចរណ៍បានរៀបចំសិក្ខាសាលាផ្សព្វផ្សាយ និងតម្រង់ទិសជំនាញវិជ្ជាជីវៈទេសចរណ៍ នៅសាកលវិទ្យាល័យបៀលប្រាយខេត្តព្រះសីហនុ ដោយមានការចូលរួមពីសំណាក់ លោកគ្រូ អ្នកគ្រូ សាស្រ្តាចារ្យ សិស្ស និសិ្សត ប្រតិបត្តិករទេសចរណ៍ និងតំណាងសាលាបណ្តុះបណ្តាលជំនាញវិជ្ជាជីវៈទេសចរណ៍ ក្នុងវិស័យទេសចរណ៍សរុបប្រមាណ ១៦០ នាក់។
១. សិក្ខាសាលានេះរៀបចំឡើងក្នុងគោលបំណងបង្ហាញផ្លូវដល់យុវជន សិស្ស និស្សិត ក្នុងការចាប់យកការសិក្សា និងអាជីពនៅក្នុងវិស័យទេសចរណ៍ ដែលជាវិស័យដែលមានទីផ្សារការងារកំពុងតែត្រូវការបំផុត ជាពិសេសនៅតាមតំបន់គោលដៅទេសចរណ៍សំខាន់ៗ ដូចជានៅក្នុងខេត្តព្រះសីហនុនេះជាដើម។
អង្គសិក្ខាសាលានេះក៏មានការចូលរួមពីសំណាក់មន្រ្តីជំនាញ និងវាគ្មិនមកពីសាលាបណ្តុះបណ្តាលជំនាញវិជ្ជាជីវៈទេសចរណ៍ដូចជា ATP, Swiss Contact, WYTHS និងអ្នកជំនាញទេសចរណ៍ ក្នុងការចែករំលែកព័ត៌មាន និងចំណេះដឹងផ្សេងៗ ទាក់ទងទៅនឹងការអប់រំ និងបណ្តុះបណ្តាលជំនាញទេសចរណ៍ ឱកាសការងារ និងអាជីពនៅក្នុងវិស័យទេសចរណ៍ កម្មវិធីហ្វឹកហា្វត់ការងារ Apprenticeship & Intership គម្រោងកម្ចីសិក្សា ជាដើម។ល។
ជាមួយគ្នានោះផងដែរ នៅក្នុងអង្គសិក្ខាសាលាក៏មានការបង្ហាញជំនាញផ្នែកសេវាកម្មភេសជ្ជៈ និងមានការប្រគល់សៀវភៅតម្រង់មុខរបរ និងការងារក្នុងវិស័យទេសចរណ៍ និងសៀវភៅស្តង់ដាររង្វាន់អ្នកជំនាញទេសចរណ៍គំរូក្នុងឧស្សាហកម្មទេសចរណ៍ផងដែរ។ ទន្ទឹមនេះក្រសួងទេសចរណ៍បានប្រកាសផ្សព្វផ្សាយចលនាប្រឡងប្រណាំងអ្នកជំនាញទេសចរណ៍គំរូក្នុងឧស្សាហកម្មទេសចរណ៍ប្រចាំឆ្នាំ២០១៩ នេះលើជំនាញពីរផ្នែកគឺ ផ្នែកម្ហូបអាហារ និងភេសជ្ជៈ និងការិយាល័យជួរមុខ ដែលក្នុងនោះអ្នកជំនាញនៅក្នុងផ្នែកទាំងពីរ ទាំងជនជាតិខ្មែរ និងបរទេស។
២.ការរៀបចំកិច្ចប្រជុំពិគ្រោះយោបល់ជាមួយសាលាបណ្តុះបណ្តាលជំនាញវិជ្ជាជីវៈទេសចរណ៍ និងប្រតិបត្តិករ ទេសចរណ៍ដើម្បីបង្កើតឱ្យមានភាពជាដៃគូរវាងសាលាបណ្តុះបណ្តាល និងប្រតិបត្តិករទេសចរណ៍នៅក្នុងការផ្តត់ផ្តង់សិស្ស និស្សិតដែលបានកំពុងសិក្សា និងបានបញ្ចប់សិក្សាលើជំនាញទេសចរណ៍អាចទទួលបានឱកាសកម្មសិក្សាការងារ ក៏ដូចជាឱកាសការងារនៅតាមមូលដ្ឋានអាជីវកម្ម និងប្រតិបត្តិករទេសចរណ៍ដែលកំពុងត្រូវការអ្នកជំនាញបម្រើការងារនៅក្នុងឧស្សាហកម្មទេសចរណ៍សម្រាប់ខេត្តព្រះសីហនុ។
៣. រៀបចំវគ្គបណ្ដុះបណ្ដាលភាសាចិនដោយបញ្ចូលជំនាញទេសចរណ៍នៅមន្ទីរទេសចរណ៍រយៈពេល ៣ខែ ទៅ ៦ខែ ផងដែរ ក្នុងនោះគឺ នាយកដ្ឋានបណ្ដុះបណ្ដាលជាអ្នកជួយរកគ្រូជនជាតិចិនដែលមានជំនាញទេសចរណ៍ ចំណែកមន្ទីរជាអ្នកចំណាយការស្នាក់នៅគ្រូ។ ទន្ទឹមនេះសាលា Swiss Contact នឹងរៀបចំចុះហត្ថលេខាជាមួយមន្ទីរលើកិច្ចព្រមព្រៀងសាកល្បងដោយគាំទ្រលើវគ្គបណ្ដុះបណ្ដាលជំនាញគ្រូបង្គោល ជំនាញ F&B Service ស្ដង់ដា អាស៊ានចំនួន ៣វគ្គ សម្រាប់ឆ្នាំ២០១៩ និងឆ្នាំ២០២០ ប្រមាណ ៨វគ្គ តាមការស្នើសុំរបស់មន្ទីរ។





rkumu4
meq5mw
The collaboration between the provincial tourism department and the Ministry is a great step for guiding youth toward tourism careers, especially in areas like Preah Sihanouk. Using tools with route map editor capabilities can further enhance how future professionals visualize and plan sustainable travel routes. route map editor