ក្នុងនាមថ្នាក់ដឹកនាំមន្ទីរទេសចរណ៍ខេត្តព្រះសីហនុ និងមន្ត្រីរាជការក្រោមឱវាទទាំងអស់ ខ្ញុំបាទមាន កិត្តិយស និង សេចក្តីសោមនស្សរីករាយក្រៃលែង សូមគោរពថ្លែងអំណរគុណយ៉ាងជ្រាលជ្រៅបំផុតចំពោះ ឯកឧត្តម ហួត ហាក់ រដ្ឋមន្ត្រីក្រសួងទេសចរណ៍ ឯកឧត្តម ម៉ោង ស៊ីណេត អភិបាល នៃ គណៈអភិបាលខេត្តព្រះសីហនុ គណៈកម្មាធិការអភិវឌ្ឍន៍ទេសចរណ៍ ក្រុមការងារបច្ចេកទេសទេសចរណ៍ ភាគីពាក់ព័ន្ធទាំងអស់ក្នុងខេត្ត ដែលបាន គាំទ្រ និងចូលរួមក្នុងដំណើរការរៀបចំឯកសារផ្សព្វផ្សាយទេសចរណ៍ ដែលជាផ្នែកមួយយ៉ាងសំខាន់នៃផែនការទីផ្សារទេសចរណ៍ខេត្តព្រះសីហនុ ២០២១-២០២៥ ក្នុងគោលបំណង ទាក់ទាញទេសចរឱ្យមកសម្រាកកម្សាន្តនៅខេត្តព្រះសីហនុឱ្យបានកាន់តែច្រើន និងស្នាក់នៅយូរប្រកបដោយ សេចក្តីរីករាយ។

ខ្ញុំសង្ឃឹមយ៉ាងមុតមាំថា សៀវភៅមគ្គុទ្ទេសក៍ទេសចរណ៍ខេត្តព្រះសីហនុប្រចាំឆ្នាំ២០២៥ រូបជាមួយទម្រង់ ផ្សេងៗនៃការផ្សព្វផ្សាយទេសចរណ៍ទាំងការផ្សព្វផ្សាយផ្ទាល់ (Physical Marketing) និងតាមប្រព័ន្ធអនឡាញ (Digital Marketing) ស្របតាមបរិបទបដិវដ្តន៍ឧស្សាហកម្ម៤.០ ពិតជាចូលរួមយ៉ាងសំខាន់នៅក្នុងផែនការ យុទ្ធ សាស្ត្រផ្សព្វផ្សាយទេសចរណ៍ខេត្តព្រះសីហនុឱ្យកាន់តែមានប្រសិទ្ធភាព និងកាន់តែទូលំទូលាយថែមទៀត បន្ទាប់ពីការរាតត្បាតនៃជំងឺកូវីដ-១៩។

ខ្ញុំបាទសូមគោរពជូនពរភ្ញៀវជាតិ និងអន្តរជាតិដែលបានមកកម្សាន្តនៅខេត្តព្រះសីហនុ ឱ្យជួបតែសេចក្តីរីករាយ ក្នុងពេលសម្រាកកម្សាន្តនិងធ្វើដំណើរគ្រប់ពេលវេលា និងគ្រប់ទីកន្លែង ជាពិសេសទទួលបាននូវបទពិសោធន៍ល្អៗ នៅខេត្តព្រះសីហនុ។

ជាទីបញ្ចប់ ខ្ញុំសូមអំពាវនាវដល់គ្រប់ភាគីពាក់ព័ន្ធទាំងអស់ មេត្តាបន្តចូលរួមគាំទ្រ និងសហការជាមួយ មន្ទីរទេសចរណ៍ខេត្តព្រះសីហនុក្នុងការគ្រប់គ្រងគោលដៅទេសចរណ៍ឱ្យកាន់តែមានប្រសិទ្ធ ភាពក៏ដូចជា ចូលរួមសហការសិក្សាស្រាវជ្រាវ និងរៀបចំឯកសារផ្សព្វផ្សាយទេសចរណ៍ឱ្យបានសម្បូរបែប នឹងប្រកបដោយ គុណភាព ដើម្បីរួមចំណែកស្តារ និងអភិវឌ្ឍវិស័យទេសចរណ៍ខេត្តព្រះសីហនុឡើងវិញឱ្យបានល្អ កាន់តែរីកចម្រើន ថែមទៀត។

ថ្ងៃពុធ ១២រោច ខែបុស្ស ឆ្នាំរោង ឆស័ក ព.ស.២៥៦៨ ខេត្តព្រះសីហនុ ថ្ងៃទី១៨ ខែមីនា ឆ្នាំ២០២៥

ប្រធានមន្ទីរ

The RISINGS of the Southwes

តាំង សុចិត្តគ្រឹស្នា